呢排部電腦真係好煩...
壞壞地咁...成日hang...搞到電腦都冇咩心機玩...
睇左三套戲....
"殺人犯"真係好睇...真係估唔到個靚仔~
唉...exam完真係好想好好休息下咋...
生理時鐘仍然係4am先有睡意...
真係好折墮...平時想訓又冇得訓...
而家就要4am先黎訓...
真係好想繼續hea落去...
唔想開始做野...
想hea多幾日先...
只係想訓,食,hea,同朋友玩玩玩......

哈..尋日add左娜娜...
真係好開心係facebook見到佢~

今日last一科..."有咁耐風流,有咁耐折墮"..(諗起chem chan..)
呢句野對我黎講...真係成世岩用...
明明有4日半時間..我都係咁遲先開始溫...
last 3日都仲可以hea溫到成日先溫得一課...
不過今日都ok...short q 6選4..反而冇揀個兩題係tips個既questions...
karly真係好煩..haha..成日騷擾我..抬頭望住佢...條友竟然對住我奸笑...-_-
成日企係度望住我...遮住份卷先肯走...條友真係成日都玩我...

exam完左去左拎返份assignement...waaaaa.....
第一次咁堅...竟然有88分...A左....
其實真係冇諗過..因為交個日返到黎先知話有野做錯左...
仲要份野返到去開係亂晒...所有table走晒樣...又還原唔番...
嚇到我想喊....已經有野做錯要再做過...
仲要臨交個幾個鐘前先出現技術上錯誤...搞到半個鐘都整唔番....
好彩醒起我妹個日放假...即打比佢嘈佢起身開電腦email屋企個份比我...
雖然屋企個份唔係最lastest verison..但起碼即時救番所有table...
結果係computer rm係咁執..執到走左一堂pth tutor+半堂nutrition lecture...
但竟然最後都ok...miss比我既comment係"very good work"同"good english"
高分唔係最開心...最開心係"good english"呢句..
一份做到勁趕又自己執過英文時間都冇既individual assisgnment...
竟然可以good english...
其實真係好大鼓勵同滿足...

尋晚真係好白痴...
我已經出晒名成日洗頭唔乾淨..
成日都要沖完涼再翻洗多次個頭...
但尋晚仲衰...成頭泡都唔記得沖水...
係到沖完著衫個刻..拎毛巾抹頭個時聽到d聲...
仲以自己聽錯...隻手摷一摷個頭先知自己連頭都未洗...
又要再洗過...

自尋日考完patho...得番星期六個科nutrition...
尋晚同今日已經冇咩mood溫書...
今日仲要訓到兩點先起身...
之前一個星期實在冇咩點訓...
訓到咁耐真係好滿足!!!!

今日patho @2-5pm @wk
死了...真係溫完都唔識...仲要臨考之前都知short q先得揀...
完全冇點溫renal同neuro......
點知neuro出parkinson's disease...唔識...
renel出pre-, intra-, post-renal acute renel failure...shit..真係唔識..
我都唔知自己去考左d咩...
希望個90題mc救救我啦...

今日真係好多喜嚇&驚喜...
考完同kaman唔搭mtr搭118走...
原來真係咁易行返出大街...
點知兩條友又肚餓又搵唔到有野食買...
行行下已經行前左一個站去到女拔對面...唯有搭車...等左好耐囉...
kaman突然話岩岩有個上車既人係佢之前ward個nurse...
佢話完就有118到...點知就到我見到我個ward個nurse tobbie囉...
已經諗住扮見唔到即上車...(事關個個站冇隊排...所有人都係有車就一堆擁出先再排上車..)
點知嘟八達通時已經"筲"到佢直頭排左係我後面...都算...
因為次次攤親佢..佢都係坐下層...上到上層見到佢又上緊黎...
咁唯有即擰轉頭喂左佢一喂就算啦...點知我同kaman坐到車尾尾二行..
佢又一直係我後面行到尾...坐左我地後面...原來佢同佢男朋友一齊...
真係好尷尬...真係好唔想撞到...都唔知點6點幾佢會係qe出面個站等車架囉...
成程車真係唔知點想...我以為kaman知啦...因為佢見到上車個nurse就講佢出ward d野..
加佢婆婆個時入左佢個ward既野...
真係幾驚佢會問我個時個ward同埋講某人個名出黎...
去到東區個站以為佢會落車啦...點知同搭到總站囉...
搞到我落車又要同佢bye...

講真..同佢真係唔係勁熟...之前又好少撞到一更...
但有次交更佢返黎我都會hi聲佢...
到last 1 week就成日都撞到佢...有次同佢+sister食早餐..
可以同佢一句講都唔講...佢有佢同sister講...我有我同sister傾...真係唔知想點咁...
加上已經有兩次大家搭埋同一架118..因為佢下層到落車先見到...
我依然係扮見唔到..落左車佢又佢特登行得快d...我又我特登行得慢d...
到返last day個日(p)又係拍佢...走個時宿舍又撞到...上118又撞到...
真係好難扮唔見到..咁我就主動hi佢...
最後我同佢係有一齊坐樓下個層...成個程我地竟然傾計傾到興高采烈...
竟然係last day大家返屋企途中先展開第一句話題...
但到今日見番...真係覺得好尷尬...真係奇怪既相識...
又唔係唔識..但又唔係熟..只係熟一個車程既時間...
其實下次真係唔想打再招呼...但搭親118都好難免會撞到...
之前118又撞到一個又係住小西灣既i/c...
可唔可以唔好再成日撞到d人呀...
一生人中會遇到好多只係相識一時但好快就離別既人...
其實..我真係好唔鐘意呢d識與唔識之間既關係...同hi與唔hi既衝動...

返到屋企即問kaman知唔知後面係邊個...佢以為係普通朋友...
原來佢真係唔知...我以為上車個時佢聽到我講添...
之後講開知原來我同係過佢ward個sister同nurses食過早餐囉...
就係因為跟c fu+sister去恒輝..c fu撞到佢d fds跟住6個人一齊坐...
就係因為kaman個sister串c fu話佢咁威..有細佬跟尾食早餐...
加上佢係"資深講師"..我先咁認得佢...
憑住kaman講一樣野...我竟然記得係c fu個facebook好似見過...
facebook真係一樣好西厲既...

4日考3科...
已經過左兩科...
星期五::::fundaments of health and nursing..
我好似花得太多時間溫呢科...
雖然有18題tips...但都係唔會溫得晒...有d仲要冇得抄書...
題題都係model, theory, concept...根本唔知點背同apply...
3個鐘都唔夠時間...
最後都有成10分冇做...一題short q...一題long q既一小題..唉...
真係花得太多時間係個3題short q度...
唔知點解5分一題既short q可以寫2版....

星期六:::::PTH
唉...花左好多時間係背韻母...
結果真係好有用...如果我之前肯背....我之前d test一定唔會咁...
而家d coursework死晒..雖然好有信心呢份written最少有90分...
但只係佔成個大分既5成再5成....

星期一:::::pathophysiology & pharmacology
考完pth都得番半日....要一日半時間溫11課...
又要查字又要背...平時一課要溫兩日...
唉...聽日都唔知點算...tips又唔係多...